Boston bumbumaður funnin sekur í øllum ákærum

Dzhokhar Tsarnaev, ið er ákærdur fyri bumbuálopið á Boston Marathon í 2013, er sekur í øllum 30 ákærunum, sigur nevningatingið í rættarmálinum

21 ára gamli Dzhokhar Tsarnaev er sekur í øllum 30 ákærunum fyri sín leiklut, tá Boston Marathon varð bumbað í apríl 2013, sigur nevningatingið

Mynd: AP

Bjarni Mohr

09.04.2015 - 10:52

Nú skal nevningatingið í rættarmálinum taka støðu til, hvønn dóm Dzhokhar Tsarnaev skal hava fyri sín leiklut í bumbuálopinum 15. apríl í 2013.

Tsarnaev verður annaðhvørt dømdur fongul í lívstíð ella fær deyðadóm. Charlie Baker, guvernørur, tekur undir við at bumbumaðurin fær deyðadóm.

Greinin heldur fram niðanfyri

VIDEO: Massachusetts gov. supports death penalty for Dzhokhar Tsarnaev for Boston bombing following conviction: http://t.co/YIjOyREUu7
— The Associated Press (@AP) April 8, 2015

Verjarnir hjá Dzhokhar Tsarnaev hava játtað, at hann hevði ein leiklut tá atsóknin móti Boston Marathon varð framd. Verjarnir siga, tað var eldri bróðurin hjá Tsarnaev, ið hevði høvuðsleiklutin.

Bumban drap trý fólk og 260 onnur fólk vórðu særd, tá rennararnir komu um málstrikuna í Boston Marathon 2013 rennikappingini.