Íslendska summarið verður vátt og kalt

Tað er ikki bert í Føroyum líkt er til, at summarið verður kaldari enn tað vanliga plagar at vera. Eisini longur norðuri, í Íslandi, sær spádómurin fyri summarið kaldari út.

SÍ EISINI Føroyska summarið verður kaltí>

Summarið í Íslandi verður kaldari og sannlíkindini, fyri at summarið verður vátari enn onnur ár, eru 30 prosent størri enn vanligt, skrivar Morgunblaðið.

Tað er spádómurin fyri veðrinum í Íslandi hetta summarið, sigur Trausti Jónsson, veðurfrøðingur á íslendsku veðurstovuni, Icelandic Met Office, sambært blaðnum.

Spádómurin hjá amerikonsku veðurstovuni, U.S. Met Office, er enn daprari enn spádómurin hjá íslendsku veðurstovuni, ið er bygdur á forsagnir hjá evropeiska veðurstovninum, ECMWF.