Talið á deyðum veksur støðugt

Samstundis óttast myndugleikarnir fyri, at talið á deyðum kann gerast enn størri - kanska upp í 5.000 fólk, sigur eitt talsfólk frá nepalska innanríkisráðnum

Talið á deyðum er ógreitt, tí summi av harðast raktu økjunum eru fjarskotin og tað hevur ikki eydnast myndugleikunum at koma í samband við tey økini.

Harafturat hava 6.500 fólk fingið skaða í jarðskjálvtanum í Nepal. Fólk royna nú at sleppa sær burtur úr Nepal. Fjølmiðlar siga, at vegirnir úr høvuðsstaðnum eru á tremur við fólki, ið royna at sleppa sær burtur.

Greinin heldur fram niðanfyri

Quake-aid need acute in Nepal capital, more so in villages near epicenter; death toll tops 3,700: http://t.co/rWjH663ckt

— The Associated Press (@AP) April 27, 2015

Á flogvøllinum í býnum eru langar bíðirøðir, har bæði ferðafólk og íbúgvar í Nepal royna at sleppa avstað við flogfari. Síðan jarðskjálvtan leygardagin, sum varð mátaður til 7,9 á Richterstiganum, hava fleiri harðir eftirskjálvtar verið.

Bjargingarfólk stríðast enn við at grava offur úr niðurrapaðum bygningum. Í høvuðsstaðnum, Kathmandu, óttast fólk fleiri jarðskjálvtar. Fleiri túsund teirra hava tí sovið úti í nátt.

Fleiri av sjúkrahúsunum í býnum er løgd í oyði. Tey, ið framvegis eru virkin, eru á tremur, og tí liggja fleiri sjúk og løstað á gøtunum.