Brandur Olsen gjørdi FCK til steypavinnarar

Brandur Olsen er nú danskur steypavinnari, og hetta er greitt eftir eina sera spennandi finalu móti FC Vestsjælland, sum FCK vann 3-2. 

Samandráttur av dystinum sæst á heimasíðuni hjá TV2. 

Brandur kom á vøllin tá fjúrtan minuttir vóru eftir av dystinum, tá var støðan 2-1 til FCK. Men bert tveir minuttir eftir tað javnar FC Vestsjælland til 2-2.  Tá 90. minuttir vóru spældir stóð á jøvnum 2-2, og tí varð neyðugt at spæla 2x15 minuttir í longdari leiktíð.

Tá 102 minuttir eru spældir varð Brandur Olsen spældur fríur av Christiani Poulsen og uttanfyri brotssteigin velur Brandur at royna seg við skoti, sum endaði í málinum. 

DR skrivar á heimasíðini síni "FC København vinder DBU pokalen 2015. Brandur Olsen bliver matchvinder med sin scoring til 3-1 i den forlængede spilletid.  

Fyri stuttum varð Brandur í eini keðiligari støðu, tá hann fekk reytt kort stutt eftir hann var skiftur inn. Men nú kann man so veruliga staðfesta at Brandur Olsen er eitt kent fótbóltsnavn í Danmark og hevur veruliga víst venjaranum Staale Solbakken hvør dugur er í honum.

Kringvarpið ynskir Brandi hjartaliga til lukku við steypasigrinum.