- Tíðindi, mentan og ítróttur
Skulu sjúkraús brúka dýran ella bíligan heilivág?
![](https://kvf.fo/sites/default/files/styles/grein-ovasta-mynd/public/ef0589018a716e9e203bb15d2081af42.png?itok=Be4-HNeb)
<p>- Tað er ikki í lagi, at sjúkrahús-deildirnar, sum brúka dýra heilivágin, samstundis noyðast at siga fólki úr starvi, sigur Andreas Rudkjøbing, formaður í læknafelagnum við danska kringvarpið.</p>
<p><br />
Hetta er sama sjónarmið, sum fleiri sjúkrahússtjórar eru komnir við. </p>
<p>- Vit ímynda okkum óheftan og fakliga sterkan stovn, sum tekur sær av hesum spurningum fyri alt landið, sigur formaðurin.</p>
<p><strong>Avgerðarstovnur er loysnin</strong></p>
<p>Við avgerðarstovni fyri alt landið sleppa læknarnir undan at sita og meta um, hvørt einstaki sjúklingurin skal hava dýran heilivág ella ikki.</p>
<p>Sitandi stjórn hevur boðað frá, at fíggjarliga sperdu sjúkrahúsini fara at fáa ein linna, tí 15 milliardir skulu játtast til heilsu og tey eldru til 2020.</p>
<p><strong>Fígging er neyðug</strong></p>
<p>Men tað loysir ikki trupulleikan við bólgnandi medisinútreiðslum, sigur formaðurin í læknafelagnum. </p>
<p>Hann fýlist á, at bæði vinstri- og høgravongurin í Fólkatinginum vilja hava søguliga lágan útreiðsluvøkstur á heilsuøkinum komandi árini.</p>
<p>- Vit hava risastóran og vaksandi tørv á viðgerðum og harvið eisini tørv á meira fígging, sigur Andreas Rudkjøbing við DR.</p>