Noreg útflytur nógv minni fisk til Grikkalands

Sum støðan er, mugu pengar ikki flytast úr Grikkalandi, og tað merkir, at grikskir innflytarar ikki fáa goldið fyri vørurnar - í hesum føri fyri norskan fisk.

Fram til juni mánað í ár var útflutningurin av fiskavørum til Grikkalands 8.200 tons. Tað er ein minking uppá 20 prosent í mun til somu tíð í fjør, verður sagt.

Og tað var 1. juli, tá Grikkaland ikki rindaði altjóða valutagrunninum IMF eitt lán, at trupulleikarnir av álvara byrjaðu.

Laksur, saltfiskur framleiddur úr toski og longu, fiskamjøl og lýsi eru størstu vørubólkarnir, tá talan er um norskan útflutning til Grikkalands.