Ung úr Norðurlondum savnast í Føroyum

Størsta stevnan, síðani Ung í Føroyum byrjaði í 2001, verður hildin í døgunum frá 12. til 14. oktober. 90 ung fara tá at arbeiða við skapandi list

Norðurlandahúsið verður í døgunum 12. - 14. oktober karmur um Ung í Føroyum, sum í ár verður tann størsta higartil

Jákup Bogi Joensen

Bjarni Mohr

03.08.2015 - 16:04

Í døgunum 12. - 14. oktober verður Norðurlandahúsið karmur um stevnuna ung í Føroyum. Tá fara 90 ung fólk í aldrinum 13-18 ár úr Noregi, Svøríki, Finnlandi og Føroyum at arbeiða við list og skapandi virksemi.

Ung í Føroyum 2015 verður størsta stevnan, síðani tiltakið byrjaði í 2001. Luttakaratalið er hægri enn árini frammaundan, og stevnan er longd við einum hálvum degi.

Verksmiðjurnar vera seks í tali, og sum nakað nýtt verða tríggir verksmiðjuleiðarar ikki føroyingar, men úr øðrum norðurlondum. Stevnan endar við almennum tiltaki, har luttakararnir fara at vísa listina fram, sum tey hava skapt.