Hundraðtals flóttafólk latið lív

Umleið 50 fólk vóru umborð á fyrra bátinum, sum sendi út neyðarkall hósdagin. Hin báturin var ovfólkaður við næstan 400 ferðafólkum umborð, og sakk nógv seinni enn tann fyrri.

Myndugleikar siga, at 200 fólk eru bjargað, men rættiliga mong stóðu føst í lastaleytaranum, tá báturin holvdist.

SÍ EISINI Flóttafólk funnin deyð í lastbili

Sambært BBC hava eini 150 fólk fingið skjól á einum heimi fyri flóttafolk í Sabratha, vestan fyri Triopoli, meðan eini 100 lík vórðu flutt á sjúkrahús í Zuwara.

Eini 2.400 flóttafólk hava latið lív í Miðjarðarhavinum higartil í ár, sigur ST. Meira enn 100.000 fólk eru komin til Italia, og 160.000 eru komin til Grikkalands.