Her kemur eldur í flogfar áðrenn fráferð

Sjey fólk fingu smærri skaðar, tá eldur kom í eitt flogfar hjá British Airways, júst sum flogfarið skuldi fara úr eini floghavn í Las Vegas

172 fólk vóru umborð á einum flogfari hjá British Airways, tá eldur kom í flogfarið júst sum tað skuldi fara úr Las Vegas

Mynd: AP

Bjarni Mohr

09.09.2015 - 08:57

Flogfarið hjá British Airways var á veg til Gatwick í Onglandi, tá eldur kom í flogfarið beint áðrenn tað skuldi fara úr McCarran International Airport í Las Vegas.

Umborð á flogfarinum vóru 159 ferðafólk, umframt flogmanningin, ið taldi 13 fólk. Sjey fólk vórðu innløgd við smærri skaðum eftir at eldur kom í flogfarið týsdagin.

Greinin heldur fram niðanfyri

Engine on a British Airways jet caught fire during takeoff from Las Vegas http://t.co/1DnhnhmrnE
— The New York Times (@nytimes) September 9, 2015

Ferðafólk vórðu sædd rennandi burtur frá flogfarinum við handviðføri tá eldur kom í flogfarið í myndum og sjónbandaupptøkum á netinum.

Enn er ikki greitt, hví eldur kom í flogfarið hjá British Airways, júst sum flogfarið skuldi fara á flog. Eldsbrunin byrjaði í einum motori í vinstru síðu.