Slovenia brúkti táragass

Tað var rokaligt á markinum millum Slovenia og Kroatia í gjárkvøldið. Politiið í Slovenia brúkti táragass móti flóttafólki, sum vóru savnaðir við Marmica-marknaliðið millum londini bæði.

Hetta hendi tá flóttafólkini, sum vóru fleiri hundrað í tali, royndu at troðka seg framvið politistunum fyri at sleppa inn í Slovenia. Millum flóttafólkini vóru eisini børn.

Samanbrestirnir vóru fáar tímar eftir at stjórnin í Slovenia boðaði frá, at hon umhugsar at gera eina sonevnda trygga landgeil, sum flóttafólkini kunnu ganga ígjøgnum.

Vilja víðari til Eysturríkis og Italia

Fleiri av flóttafólkunum ætla sær ikki at vera verandi í Slovenia, men vilja víðari til Eysturríki og Italia. Yvir 1000 flóttafólk vórðu skrásett í Slovenia í gjár.

Í Kroatia bíða fleiri hundrað flóttafólk at sleppa inn í landið. Í gjár komu nógv flóttafólk til Kroatia. So nógv, at myndugleikarnir avgjørdu at lata teimum bussar, sum kundu koyra tey til markið til Ungarn.

Bara eftir einum samdøgri vórðu yvir 4.400 flóttafólk til ukrainska markið gjøgnum Kroatia.