Ráðharrar umrøða hernaðarlig átøk hjá Russlandi

Hernaðarligu átøkini hjá Russlandi í Sýria standa ovalaga á dagsskránni, tá verjumálaráðharrarnir í NATO hittast á fundi í Brússel í dag

Verjumálaráðharrarnir í NATO hittast á fundi í høvuðsstøðini í Brússel í dag. Hernaðarligu átøkini hjá Russlandi í Sýria standa ovalaga á dagsskránni

Mynd: Savnsmynd/AP

Brynhild Thomsen

Bjarni Mohr

08.10.2015 - 08:56

Fundurin er millum annað íkomin eftir, at Turkaland hevur kært seg um, at russisk stríðsflogfør hava gjørt seg inn á turkiskt luftrúm.

Verjumálaráðharrarnir fara væntandi eisini at endurskoða støðuna viðvíkjandi kreppuni í Ukraina, tá teir koma saman til fund á NATO høvuðsstøðini í dag.

Greinin heldur fram niðanfyri

Russia's growing military involvement in Syria is expected to be high on the agenda as Nato defence ministers meet http://t.co/ARkSfohglE
— BBC News (World) (@BBCWorld) October 8, 2015

Sambært BBC fer NATO eisini at umrøða vaksandi stúranina í baltisku londunum eftir russisku uppíblandingina í Ukraina.

Bretski verjumálaráðharrin, Michael Fallon, fer sambært BBC væntandi at kunngera, at Bretland er tilreiðar at senda bretsk herfólk til baltisku londini at verða í drúgt tíðarskeið í hesum sambandi.