Sí video: Soleiðis er trygdin í Sharm el-Sheikh

Tað er væl skilligt, at fleiri flogfeløg eru givin at flúgva til Egyptalands, eftir at eitt flogfar datt niður leygardagin, og illgruni er um, at ein bumba var umborð.

Í øllum førum um hugt verður at upptøkunum niðanfyri her hjá norðmanninum Øyvind Restad, ið hann gjørdi fyri nøkrum árum síðani.

Sí upptøkurnar niðanfyri

Í 2007 gjørdi hann upptøkuna á Sharm el-Sheikh International Airport í Egyptalandi, tá hann var og ferðaðist í landinum saman við eini kvinnu.

Meðan trygdarkrøvini vórðu herd í flogvøllum kring heimin eftir september 2001, er ikki líkt til, at tað sama er galdandi í egyptisku floghavnini.

Upptøkurnar vísa trygdarvørðar, ið bókstaviliga sita og sova á vaktini, tá teir annars skuldu ansa eftir at trygdin á flogvøllinum varð hildin.

224 ferðafólk vóru við Airbus-flogfarinum hjá Metrojet, tá tað datt niður í Sinai hálvoynni leygardagin. Øll ferðafólkini og manningin lat lív.