Svøríki tikið yvirgangsmann

Svenska fregnartænastan vil vera við, at maðurin er limur í Íslamskum Stati, og at hann herfyri kom til Europa fyri at fremja yvirgang.

Maðurin skal avhoyrast í dag, sigur ein talsmaður fyri svensku fregnartænastuna. Svenska løgreglan vildi ikki siga stórvegis um málið í gjárkvøldið.

Nógv løgreglufólk við í átakinum

Aftonbladet tosaði við fólk í býnum, Bolidan, í landnyðringspartinum av Svøríki, har maðurin varð tikin, sum søgdu, at 11 løgreglubilar vóru við í átakinum, og at løgreglufólkini vóru í skottryggum vestum.

Danska loyniløgreglan, PET, váttaði fyri donskum miðlum í gjár, og hon saman við svensku løgregluni, leitaði eftir einum manni sum var undir illgruna fyri yvirgang.

Mikudagin hækkaði Svøríki trygdarstigið í landinum upp í fýra, sum er tað næsthægsta, tí vandi var fyri yvirgangi.