USA ávarar ferðafólk

Ein nýggj ferðavegleiðing var almannakunngjørd í gjár, og hon er galdandi fyri øll lond. Orsøkin til ávaringina er yvirgangshóttan, skrivar Reuters.

Á heimasíðuni hjá amerikanska uttanríkisráðnum verður sagt, at eitt nú yvirgangsatsóknin í París fyrr í hesum mánaðinum og atsóknin í Keypmannahavn fyrr í ár er orsøkin til nýggju ávaringina.

Greinin heldur fram niðanfyri

New div after blockquote

U.S. issues travel warning, sees 'increased terrorist threats' https://t.co/cMa41BG0WP

— Reuters Top News (@Reuters) November 24, 2015

- Upplýsingar vísa, at Islamskur statur, al-Qaeda, Boko Haram og aðrir yvirgangsfelagsskapir leggja yvirgangsatsóknir til rættis, verður sagt í fráboðanini.

 Víðgongdu felagsskapirnir fremja atsóknir at ítróttartiltøkum, leikhúsum, marknaðum og loftferðsluni.

Seinasta árið hava atsóknir verið í Fraklandi, Nigeria, Danmark, Turkalandi og Mali, stendur í fráboðanini frá amerikanska uttanríkisráðnum. Nýggja vegleiðingin er galdandi til 24. februar næsta ár.