Russland flytur rakettir til Sýria eftir álop

Russland er farið at flyta rakettir til støðir sínar í Sýria eftir at eitt hernaðarflogfar hjá Russlandi varð skotið niður týsdagin

Russland er farið at flyta rakettir til støðir sínar í Sýria. Stigið verður tikið í kjalarvørrinum av hendingini í gjár, tá turkisk stríðsflogfør skutu eitt russiskt flogfar niður

Mynd: Savnsmynd/AP

Johnsigurd Johannesen

Bjarni Mohr

25.11.2015 - 17:15

Stigið verður tikið í kjalarvørrinum av hendingini í gjár, tá turkisk stríðsflogfør skutu eitt russiskt flogfar niður, tí tað - sambært turkiskum myndugleikum - gjørdi seg inn á turkist loftrúm.

Vladimir Putin, forseti, hevur sagt, hann kennir seg sviknan av turkum, og at niðurskjótingin fer at fáa avleiðingar fyri viðurskiftini millum bæði londini.

SÍ EISINI Sí upptøkuna: Russiskt flogfar skotið niður

Turkaland og Russland eru í hvør sínum parti í krígnum í Sýria. Putin styðjar sýriska forsetan, Assad, og Turkaland styðjar uppreistrarmenninar, sum berjast móti Assad-stýrinum.

Tí hevur russiski forsetin gjørt av at senda rakettir til Latakia í Sýria til tess at vísa Turkalandi, at Russland er sterkt hernaðarliga.