Flóttafólk úr Sýria streyma til Evropa

Tað vóru meir enn tvífalt so nógv flóttafólk, ið søktu um uppihaldsloyvi í í Danmark í juli, august og september, sum teir tríggjar mánaðirnar frammanundan.

Tað kemur fram í nýggjastu tølunum, sum evropeiski hagtalsgrunnurin, Eurostat, hevur savnað saman og nú eisini kunngjørt.

SÍ EISINI 5.000 flóttafólk til Evropa um dagin

Tað eru framvegis Týskland, Ungarn og Svøríki, sum fólkini velja at búgva í, sæst í uppgerðini. Meir enn helvtin í Týsklandi og í Ungarn.

Borgarakríggið í Sýria hevur við sær, at triðjahvørt fólk sum ynskir at búseta seg í einum ES landi, er úr Sýria. Næstflest eru úr Afghanistan og triðflest úr Irak.

Yvir 5.500 fólk søktu um uppihaldsloyvi í Danmark í triðja fjórðingsári, og tað vóru meir enn tvífalt so nógv sum í øðrum fjórðingsári.