Handtikin fyri yvirgangsætlanir nýggjársaftan

Løgreglan í Belgia hevur tikið tvey fólk, sum eru undir illgruna fyri at hava havt ætlanir um yvirgang í Brússel á nýggjárinum

Belgiska løgreglan á varðhaldi dagarnar undan jólum í Antwerpen. Tvey fólk í landinum eru nú skuldsett fyri at hava ætlanir um at fremja yvirgang á nýggjárinum

Mynd: AP

Sigmar Bláberg

Bjarni Mohr

29.12.2015 - 09:27

Belgiska ákæruvaldið upplýsir, at tilsamans vórðu seks fólk tikin sunnudagin og í gjár, men fýra av teimum eru latin leys, meðan tvey framvegis eru í varðhaldi.

Greinin heldur fram niðanfyri

Belgian police arrest two people suspected of planning attacks in Brussels on New Year's eve, prosecutors say https://t.co/puz4Ff98z7
— BBC Breaking News (@BBCBreaking) December 29, 2015

Fólkini er skuldsett fyri at hava havt ætlanir um hernaðarligt álop nýggjársaftan. Miðlar í Belgia skriva, at átakið hjá løgregluni var í Brússel, í landspartinum, Walloon Brabant, og í býnum Liege, har eysturi í landinum.

Løgreglan upplýsir, at hon fann herklæðir, propagandatilfar hjá ISIL, men hvørki vápn ella spreingievni. Fólkini, sum eru tikin, høvdu einki við atsóknina í París at gera, upplýsir løgreglan.