Enn eitt forsetavalevni tekur seg aftur

Enn eitt forsetavalevni hjá republikanarunum hevur tikið seg aftur. 70 ár gamli George Pataki boðaði í gjár frá, at hann gevst í royndini at gerast forsetavalevni.

Um miðjan november gavst Bobby Jindal, og fyri jól boðaði Lindsey Graham frá, at hann tók seg aftur sum valevni.

Greinin heldur fram niðanfyri

George Pataki says he's 'confident we can elect the right person' as he ends White House bid. https://t.co/quJoVArc5I

— AP Politics (@AP_Politics) December 30, 2015

Sambært veljarakanningum hevur ríkmaðurin, Donald Trump, bestan kjans at gerast republikanskt valevni á forsetavalinum 8. november næsta ár.

Fyrsta uppstillingarvalið hjá republikanarunum verður í Iowa í februar. Ein veljarakanning, sum sjónvarpsstøðin CBS hevur gjørt, vísir, at Donald Trump er best umtóktur millum republikansku veljararnar í Iowa.

George Pataki, sum nú hevur tikið seg aftur sum forsetavalevni, hevði fingið minni enn eitt prosent í Iowa, vísir veljarakanningin.