Hetta kann gerast tær dýrt í Italia

Italska stjórnin samtykti í desember nýggja umhvørvislóg, skrivar Roma Today. Tveitir tú tyggigummi ella annað smátt burturkast frá tær, fært tú, sambært nýggju lógini, millum 30 og 150 evrur í bót.

- Tað er týdningarmikið stig í sambandi við avtaluna, sum varð samtykt á veðurlagsráðstevnuni, COP21, í Paris, sigur italski umhvørvismálaráðharrin, Gian Luca Galetti.

Umframt at geva teimum bøtur, sum tveita burturkast á vegin, fáa kommunur, sum hava góðar skipanir fyri burturkast, viðurkenning. Skatturin í kommunum, sum einki gera fyri umhvørvið, verður hækkaður.