Vilja herða krøvini til alivinnuna

Fiskivinnuumsitingin hevur sent matvøru- og fiskimálaráðnum eitt uppskot, skrivar hon í tíðindaskrivi. Fýra tiltøk eru í uppskotinum.

Forboð skal setast fyri útláti, tá fleiri avlúsingarhættir verður brúktir í senn á ein hátt, sum ikki er góðkendur, vil fiskivinnuumsetingin hava.

SÍ EISINI Stúra fyri avleiðingum

Kitinsyntesu-tálmarar skulu bara brúkast í alibrúkum, sum lúka strangastu umhvørviskrøv.

Brunnbátar, sum viðgera fyri laksalús, eiga bara at kunna tøma tangarnar í avmarkaðum økjum, sum eru sett av til endamálið.

Alivinnan í Noregi skal skjalprógva, at viðgerðin móti laksalús er umhvørvisliga forsvarlig.

SÍ EISINI Norðmenn ávara ímóti evni at týna laksalús

Samstundis sum fiskivinnuumsitingin tekur stig til at herða krøvini til viðgerð fyri laksalús, fer norska matvørueftirlitið við sínum heilivágsátaki at minka váðan fyri ringari ávirkan á umhvørvið.

Orsøkin til uppskotini hjá norsku fiskivinnuumsitingini er vandin, sum stendst av evnunum, sum verða brúkt til at basa laksalús.

Serliga eru kitinsyntesu-tálmarar og fleiri evni, sum verða brúkt saman og í senn, mett at skaða skeljadjór, so sum hummara, við aliringarnar.