Sætti maðurin á mánanum deyður

Amerikanski rúmdarmaðurin, Edgar Mitchell, sum var á mánanum í 1971, er deyður, upplýsir NASA. Hann var 85 ara gamal.

Mitchell var rúmdarmaðurin, sum gekk longsta teinin á mánanum, og hann hevði eisini metið sum tann, ið var longst á mánanum, tilsamans 33 tímar.

Edgar Mitchell var sætti rúmdarmaðurin, sum setti fótin á mánan, og hann savnaði umleið 80 pund av gróti og øðrum tilfari á mánanum. 

Mitchell var sjálvur triði í Apollo 14 rúmdarferðini. 

Hann hevur sagt, at hann gjørdist hugtikin av tilveruni sum rúmdarmaður, tá John F. Kennedy, forseti, tíðliga í sekstiárunum kunngjørdi, at hann ætlaði at seta fólk á mánan.