Stevndur fyri at loyva samkyndum at giftast

Stevndur fyri at loyva samkyndum at giftast
Ein felagsskapur í Danmark hevur stevnt kirkjumálaráðnum fyri at loyva samkyndum at verða vígd í kirkju.
Manu Sareen, fyrrverandi danskur kirkjumálaráðharri
 
06.02.2016 - 18:04

Tað ber í sær, at Manu Sareen, fyrrverandi kirkjumálaráðharri, skal møta í rættinum í mars mánaði at greiða frá tilgongdini at samtykkja lógaruppskotið. 

Manu Sareen boðar sjálvur frá hesum á sínum Facebook-vanga. Tað er felagsskapurin, "Við grundlóg skal land byggjast," sum hevur stevnt kirkjumálaráðnum.

Síðani juni 2012 hevur borið til hjá samkyndum at verða vígd í kirkjum í Danmark. Fólkatingið samtykti 7. juni í 2012 eina lóg um vígsluritual fyri pør av sama kyni.

Táverandi kirkjumálaráðharrin, Manu Sareen úr Radikala flokkinum, var millum teirra, sum strongdu á at fáa lógina samtyktina.

Angar ikki avgerðina

Manu Sareen skrivar á Facebook-vanganum: - Kærleikin vann stríðið, tá samkynd fingu rættin at verða vígd. Tað var ein sigur fyri Danmark, fyri fjølbroytnið og danska frælslyndið, sigur hann.

Tit kunnu draga meg í rættin hiðani og í helheim, men tað broytir ikki, at hetta var rætta avgerðin, skrivar Manu Sareen.

Málið kemur fyri í Eystara landsrætti 31. mars.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585