Nýtt fólkaheilsuráð kunngjørt í dag

Seinnapartin í dag fer hon at kunngera, hvør er í nýggja ráðnum, og hvør tekur við eftir Pál Weihe. Tað verður á samkomu í Heilsu- og innlendismálaráðnum.

Tá fer Pál Weihe at takka fyri seg, og nývaldi formaðurin fer at greiða frá sínum ætlanum á fólkaheilsuøkinum.

Í Fólkaheilsuráðnum eru sjey fólk, sum landsstýrisfólkið í heilsumálum tilnevnir fyri fýra ár í senn.

Landsstýrisfólkið velur formann ella forkvinnu og næstformann ella næstforkvinnu millum limirnar í ráðnum.