Zika-virus komið til Noregs

Tvey av teimum smittaðu eru barnakonur. Triði persónurin er maður. Øll trý hava verið í londum í Suðuramerika, har zika er staðfest.

Nú verða barnakonurnar fluttar á eina fosturmedisinska miðstøð at verða kannaðar nærri, sigur Fólkaheilsustovnurin á heimasíðu síni.

Norsku heilsumyndugleikarnir hava seinastu tíðina greinað umleið 50 royndir fyri zika-virus, sum millum annað verður sett í samband við, at børn verða fødd við ov lítlum høvdi.

Barnakonur eiga ikki at vitja OL

Heimsheilsustovnurin WHO hevur mælt barnakonum at fara til øki, har zika-virus er staðfest.

Amerikansku heilsumyndugleikarnir hava mælt barnakonum at fara til Brasil í sambandi við olympisku summarleikirnar í Rio de Janeiro.

Higartil hevur zika-virus breitt seg til umleið 40 lond, serliga í Suður- og Miðamerika.