Sjálvmorðsbumba í Istanbul hevur dripið fýra fólk

Fýra fólk hava latið lív og 36 hava fingið løstir, - sjey teirra álvarsligan skaða, í einari sjálvmorðsbumbu-atsókn í Istanbul. 

Vitni hava greitt Reuters-tíðindastovuni frá, at tyrlur hjá løgreglunum flugu í ring uppyvir, og sjónvarpsrásir hava víst myndir av fólkum, sum runnu burtur frá staðnum.

Sjálvmorðsbumban í dag kemur í kjalarvørrinum á tveimum sjálvmorðbumbuatsóknum í høvuðsstaðnum, Ankara, fyrr í mánaðinum, og tá lótu 37 fólk lív.

Hildið verður, at PKK ella IS hava ábyrgdina av atsóknini.