- Tíðindi, mentan og ítróttur
Floghavnin framvegis stongd
Floghavnin framvegis stongd
Zaventem-floghavnin í Brússel letur heldur ikki uppaftur í dag sum ætlað, eftir yvirgangsatsóknina fyri einari viku síðani
Zaventem-floghavnin í Brússel er framvegis stongd eftir yvirgangsatsóknina týsdagin í síðstu viku
29.03.2016 - 15:17
Tøkningar, verkfrøðingar og serfrøðingar hava kannað skaðan í floghavnini og bygt eina fyribils farstøð at avgreiða ferðafólkini í.
Áðrenn bráðfeingis farstøðin kann takast í nýtslu, skulu fleiri royndir gerast. Millum annað um hon lýkur bruna- og trygdarreglur. Myndugleikarnir skulu eisini góðkenna bygningin.
800 starvsfólk í floghavnini gera royndir í dag, og ikki fyrr enn tær eru lidnar, verður støða tikin til, um floghavnin kann lata uppaftur.
Meðan Aventem-floghavnin hevur verið stongd, hava flogfør verið noydd at seta seg í Antwerpen, Liége, Dússeldorf, Frankfurt og Zúrich.
Er kopiera
Nýggjastu sendingar í ÚV
Nýggjastu sendingar í SV
