Bernie Sanders livir í vónini

Sanders er í einum góðum stima í løtuni og hevur vunnið undanvalini í fleiri statum síðstu vikuna. Í gjárkvøldið varð greitt, at Bernie Sanders hevur vunnið undanvalið í statinum Wyoming.

Hóast Wyoming er ein lítil statur, sum gevur fáar valmenn, so meta eygleiðarar, at sigurin kann hava týdning fyri komandi undanval í statinum New York, sum verður 19. apríl. 

Hillary Clinton er framvegis klárt á odda í kappingini um at gerast forsetavalevni hjá Demokratunum í USA. Hon hevur 1274 valmenn, meðan Bernie Sanders hevur 1025. Neyðugt er við 2383 valmonnum fyri at gerast forsetavalevni hjá Demokratunum.

Hjá republikanarunum er milliarderurin Donald Trump á odda, framman fyri Ted Cruz.