- Tíðindi, mentan og ítróttur
Obama: Libya eitt stórt mistak
Obama: Libya eitt stórt mistak
Forsetin í USA viðgongur, at størsta mistakið í síni forsetatíð hevur verið vantandi fyrireikingar til eftirspælið av at koppa leiðaranum í Libya
Størsta mistakið í tíðini hjá amerikanska forsetanum, Barack Obama, hevur verið vantandi fyrireikingar til eftirspælið av at koppa leiðaranum í Libya, Mohamar Gadhaffi, viðgongur Obama í samrøðu við sjónvarpsstøð
11.04.2016 - 15:14
Fox News spurdi forsetan um góð og minni góð úrslit, og Barack Obama svaraði tá, at hóast inntrivið í Libya "var rætt at gera", so var USA ikki fyrireikað til ófriðin, ið kom aftaná.
USA og sameind lond framdu loftálop, sum skuldu verja sivilfólk, tá uppreistur var móti Mohamar Gadhaffi í 2011.
Men at Gadhaffi varð dripin, elvdi til ruðuleiki í Libya, tá tvær hernaðarligar rørslur tóku ræðið og tvey parlament og tvær stjórnir vórðu stovnaðar, sum stríðast hvør móti øðrum.
Ein sameinandi stjórn, sum hevur stuðul frá ST, er komin til høvuðsstaðin Tripoli, men hon hevur einki vald enn, skrivar BBC.
Er kopiera
Nýggjastu sendingar í ÚV
Nýggjastu sendingar í SV
