Kanna fleiri feløg

Tað segði Bryndis Kristjansdóttir, stjóri fyri skattakanningarnevndini hjá íslendska ríkinum á fundi við búskapar- og handilsnevndina hjá Altinginum í gjár.

Fleiri onnur feløg verða kannað í løtuni. Málini um skattaundandrátt komu fram kavi í skjølum, sum íslendska skattavaldið hevur fingið til vega.

Skjølini fevna um 600 feløg uttanlands hjá 400 íslendingum, sum eru greinað út í smálutir. Nøkur skjøl vísa, hvussu skyldurnar hjá felagnum verða latnar eini nevnd, sum ikki er veruligi eigarin.

Fleiri feløg samband við Landsbankan

Bara í 100 førum er eigarin eisini skrásettur til at eiga partabrøvini í útlendskum felag. Í 170 førum var einki samband við veruliga eigaran.

Flestu feløgini, sum verða kannað, hava samband við íslendska Landsbankan, og eini 40 hava samband við NordeaBank.

Meginparturin av feløgunum eru í bretsku Jomfrúoyggjunum, og nøkur eru í Panama og Seyskelloyggjum, skrivar RÚV.