Kunnu ikki vera í løgtinginum

Kunnu ikki vera í løgtinginum
Uppskotið frá Miðflokkinum um, at løgmaður og landsstýrisfólk, sum eru fólkavald, eisini kunnu vera í tinginum, vann ikki frama
 
20.04.2016 - 13:12

Løgtingið hevur felt uppskotið frá Miðflokkinum, um at løgmaður og landsstýrisfólk, sum eru fólkavald, eisini kunnu vera í løgtinginum.

Ein samd rættarnevnd mælti tinginum frá at samtykkja uppskotið, og tá atkvøtt varð við aðru viðgerð í dag, vóru bert tríggjar atkvøður fyri og 21 ímóti.

Uppskotið snúði seg um at broyta stýrisskipanina, men broytingar í stýrisskipanini krevja sera góða fyrireiking, segði rættarnevndin.

Heldur enn bara at taka eina grein burturúr og gera broytingar í henni, eigur øll stýrisskipanin at vera eftirhugd og dagførd. Í teirri viðgerðini kann spurningurin um løgtingssessir og landsstýrissessir takast við, segði nevndin.

Skipanin broytt í 1995

Til 1995, tá stýriskipanin kom, kundu løgmaður og landsstýrisfólk sjálvi velja, um tey søgdu tingsessin frá sær. 

Øll, sum nú eru í landsstýrinum, vórðu vald í løgtingið á valinum í fjør. 

Rættarnevndin vísti á, at vóru tey øll átta eisini í løgtinginum, var landsstýrið ein fjórðingur av løgtinginum.

Hetta hevði havt við sær eina nógv størri arbeiðsbyrðu hjá samgongulimunum, tí helvtin teirra ella stívliga tað kundi ikki vera við í nevndararbeiðinum, segði rættarnevndin í álitinum. 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Sunnudag 22. november
Andaktin
216792
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631