Ein miljón liva undir hungursmarkinum í Bretlandi

Frágreiðingin vísir á, at tey sum eru ringast fyri er tilflytarar, men tey flestu eru kortini fødd í Bretlandi.

Størstu orsøkirnar til fátækradømið eru skuldarbyrða, lágar almannaveitingar og høgir prísir, stendur í frágreiðingini.

Tilflytarar fáa lágar veitingar og  teir hava eisini trupult við at finna arbeiði.

Svong og køld

Sambært kanningini eru fólk í 668-túsund heimum rakt av fátækradømi, og talan er um 1 miljón og 252-túsund fólk.

Serliga illa stendur til hjá monnum sum eru millum 25 og 34 ár.

76 prosent av teimum spurdu svara, at tey javnan ikki eta døgurða um kvøldið, so børnini kunnu fáa nóg mikið at eta. Og 56 prosent av teimum spurdu siga, at tey ikki megna at halda húsini heit.