Sníktu seg til Íslands við Norrönu

Menninir eru úr Marokko og Tunis, skrivar RÚV, íslendska kringvarpið. Politiið fór við tí eina manninum á Egilsstaðir, tí hann var illa fyri sálarliga.

Hann bað seinni um politiskt friðskjól. Løtu seinni bað manningin á Norrönu politiið um hjálp, tí hinir tríggir loyniferðamenninir rýmdu í land.

Teir komu seinni sjálvir til politiið og søgdu, at teir ætlaðu sær at arbeiða í Íslandi. Tveir bóðu eisini um friðskjól í Íslandi.

Sendur aftur til Danmarkar

Fjórði maðurin er nú á veg aftur til Danmarkar við Norrönu, sum kemur á Havnina seinnapartin í dag. Hildið verður, at teir fýra loyniferðamenninir eru komnir umborð í Hirtshals.

Hinir tríggir menninir eru nú í Reykjavík, har sum mál teirra verða viðgjørd. 3. mai var eisini ein loyniferðamaður við Norrönu, tá hon kom til Íslands.

Hann er úr Sýria. Hann fór alt fyri til politiið, tá Norröna var komin at bryggju á Seyðisfirði, og bað um politiskt friðskjól í Íslandi.