Eingi tekin um spreinging í flogfarinum

Eingi tekin er um, at ein spreinging var í flogfarinum hjá Egyptair, sum hvarv á veg úr París til Kairo  gjáranáttina. 

Tað vísa kanningar, sum amerikanarar hava gjørt av fylgisveinamyndum. 

Men eingir møguleikar verða útihýstir, hvørki yvirganur ella tekniskt brek.

Flogfarið ikki funnið

Í gjár frættist, at alt vrakið av horvna flogfarinum varð funnið, men hesi tíðindi verða nú avsannað. 

Griksku myndugleikarnir siga, at vrakpettini, sum eru funnin, er ikki av nøkrum flogfari. 

Egyptiska flogfarið fór úr Charles de Gaulle-floghavnini í París um ellivu tíðina fyrrakvøldið.

Halda fram at leita

Tað skuldi seta seg í egyptiska høvuðsstaðnum um trý tíðina gjáranáttina, men tað hvarv stutt eftir at vera komið inn í egyptiskt loftrúm. 66 fólk vóru við flogfarinum.

Hildið verður fram at leita eftir flogfarinum í Miðjarðarhavinum.