Leita nú á avmarkaðari leið

Øll 66 fólkini, sum vóru við, doyðu. Í gjár vórðu signal staðfest úr øðrum av svørtu kassunum. Leitað verður á einari leið, sum er ein góðan fjórðing til víddar.

Sambært egyptiska loftferðslumálaráðnum er eitt skip á veg við tólmennum, sum kunnu kava niður á botn og taka svørtu kassarnar upp.

Ov tíðliga at gera niðurstøður

Skipið verður á leiðini um eina viku ella so. Dýpið, har flogfarið datt niður, er umleið tríggjar kilometrar, millum griksku oynna Kreta og norðara part av egyptisku strondini.

Svørtu kassarnir kunnu loysa gátuna, hví flogfarið, sum var á veg úr París til Kairo, datt niður, eftir at tað hvarv á radaranum.

Tey, sum kanna málið, siga, at enn er ov tíðliga at koma við einari niðurstøðu, men møguleikin fyri at ein yvirgangsatsókn varð framd í flogfarinum, verður ikki útihýstur.