Tepur meiriluti: Bretar vilja verða verandi

Seinnapartin í gjár vísti ein kanning, at 45 prosent vilja úr ES og 44 prosent vilja verða verandi. Men tvær meiningakanningar í gjárkvøldið, vístu báðar, at bretar velja ES.

Ein kanning hjá blaðnum, The Times, vísti, at 51 prosent vilja verða verandi í ES, meðan 49 prosent vilja úr samveldinum.

SÍ EISINI Metnógvir bretar á valrætt á ES-fólkaatkvøðu

Ein kanning hjá Daily Mail vísti samstundis, at 48 prosent vilja verða verandi í ES, og 42 prosent vilja úr samveldinum.

Men kanningarnar vístu samstundis, at 17 prosent av veljarunum ikki høvdu tikið støðu, so teirra avgerð kann broyta úrslitið av fólkaatkvøðuni.