Taka nú móti ull

Tikið verður móti ull mikudagar til leygardagar millum 13:00 og 18:00 til 20. august, tó er ólavsøkuvikan undantikin. Ullin verður skild í tveir flokkar, og stórur munur er á prísunum.

Fyri ull í fyrsta flokki letur Búnaðarstovan 15 krónur fyri kilo, tá meirvirðisgjaldið er við. Fyri ull, sum fer í annan flokk, fáast bara tvær krónur fyri kilo.

Ullin verður góðskumett og avroknað á staðnum. Á heimasíðuni hjá Búnaðarstovuni, bst.fo, sæst, hvørjar treytir eru galdandi fyri ullarmóttøkuna.