Pensjónskipanin betrar um fíggjarliga haldførið

Pensjónsnýskipanin leggur upp til, at føroyingar í størri mun skulu spara upp til sína egnu pensjón og tað er gott fyri búskparliga haldførið, er niðurstøðan hjá Moody's. 

Tað gevur tí almenna betur tamarhald á framtíðar úgjaldingarskyldum til pensiónistar. Haraftrat eru útlit til, at pensiónsaldurin hækkar, um tað er mett at vera neyðugt. 

Eisini fiskivinnunýskipan, skattanýskipanir og kommunusamaleggingar telja positivt í metingini hjá Moody's. 

Føroyar varðveita ratingina Aa3 í ratingini hjá Moddy's. Tað er fjórðhægsta rating av 21 møguligum. 
Ratingin er ein meting av førleikunum hjá landinum at gjalda eitt lán aftur.