Bumbuspreinging í New York

Bumban brast klokkan hálvgum níggju í gjárkvøldi, lokala tíð, í býarpartinum Chelsea á Manhattan. 

Bæði borgarstjórin í New York, Bill de Blasio, og løgregluovastin, James O'Neill, søgdu á tíðindafundi stutt eftir, at einki bendir á, at talan er um eina yvirgangsatsókn.

Men hóast talan also ikki er um yvirgang, so hevur onkur við vilja sprongt eina bumbu. 

- Alt bendir á, at spreingingin var ein tilætlað gerð. Einki bendir tó á, at atsóknin hevur samband við yvirgang, segði borgarstjórin á tíðindafundinum.

Spreingingin fór fram í einum annars lutfalsliga friðarligum íbúðarøki á Manhattan. 29 fólk fingu skaða, men sambært myndugleikunum í New York er eingin í lívsvanda.