Nýggjur ST-hákommiserur í flóttafólkamálum

Fyrrverandi forsetin í Irak, Barham Salih, verður nýggjur hákommiserur hjá ST í flóttafólkamálum.

Tað stendur at lesa í brævi, sum ST-aðalskrivarin, António Guterres, hevur skrivað undir.

Sambært Reuters-tíðindastovuni er tilnevningini eitt brot á gamlan sið um at velja fólk úr størri veitingarlondum.

Talan er um fyribils tilnevning, tí flóttafólkastovnurin hjá ST, UNHCR skal góðkenna valið.

Barham Salih skal avloysa núverandi hákommiserin í flóttafólkamálum, italiumannin Filippo Grandi.

Barham Salih er verkfrøðingur, og hann var forseti í Irak frá 2018 til 2022.