Sjónvarpskjak kann avgera forsetavalið

Tað stendur á jøvnum millum Donald Trump og Hillary Clinton í royndini at gerast næsti forseti í USA. Eitt sjónvarpskjak í nátt kann avgera valið

Útivið 100 milliónir fólk fara at hyggja at sjónvarpskjaki millum Donald Trump og Hillary Clinton í nátt, halda eygleiðarar. Kjakið kann fáa stóran týdning fyri forsetavalið í USA 8. november

Uni L. Hansen

Bjarni Mohr

26.09.2016 - 09:28

Tað stendur á jøvnum millum Donald Trump og Hillary Clinton, sum í nátt tørna saman í fyrsta sjónvarpskjakinum í royndini at gerast næsti forseti í USA.

Ein veljarakanning vísir, at Hillary Clinton í demokratiska flokkinum hevði sambært CNN fingið 46 prosent av atkvøðunum, og Donald Trump hevði fingið 44 prosent.

Greinin heldur fram niðanfyri

100 million viewers? Ratings expectations for the first Trump-Clinton debate are sky high https://t.co/cUOCI62e8L pic.twitter.com/1dv2mHjuVh
— CNN (@CNN) September 25, 2016

Tað er ymiskt, hvussu forsetavalevnini hava fyrireikað seg til kjakið í nátt sambært amerikonskum fjølmiðlum. Donald Trump hevur verið á golfbreytini, meðan Hillary Clinton hevur fingið fjølmiðlaráðgeving.

Sjónvarpskjakið vigar nógv undan forsetavalinum í USA. Ein BBC-viðmerkjari segði, at eitt sjónvarpskjak hevur ongantíð verið atvoldin til, at nakað forsetavalevni nakrantíð hevur vunnið eitt val.

Fleiri dømi eru um, at forsetavalevni hava tapt valið, tí tað hevur staðið seg illa í sjónvarpskjakunum. Fyrsta sjónvarpskjakið millum Trump og Clinton er klokkan tvey í nátt føroyska tíð.