Glopraregn rakar Ísland

Sambært íslendsku veðurstovuni verður glopraregn meginpartin av degnum og møguliga eisini í morgin. Fólk eru ávarað móti at nærkast fossum og áum, og tey skulu tryggja seg móti áarføri.

Umframt at áir kunnu fara uppum áarbakkan, til dømis Hvítá í Árnes-sýslu, og Norðurá í Borgarfirði, er vandi eisini fyri skriðulopum á hesum støðum.

Ávaring send út

Í morgun sendi løgreglan út ávaring um, at vandamikið er at koyra á suðurlandinum, serliga í Tórsmørk og eystanfyri Fjallabaki, tí vatnstøðan í áum har á leiðini er so høg.

Nakrir vegir eru stongdir, og fleiri verða helst stongdir, sigur løgreglustjórin á Hvolsvelli, Sveinn Kristján Rúnarsson.

Sambært íslendsku veðurstovuni kunnu íslendingar væntar sær millum 70-80 mm avfall í láglendinum upp í 200- 300 mm av regni í fjøllunum.