Annika Olsen verður nýggjur borgarstjóri í Havn

bannari
09.11.2016 - 20:51
AktueltSamfelag
Annika Olsen verður nýggjur borgarstjóri í Havn
Tjóðveldi, Fólkaflokkurin og Framsókn skipa samgongu Tórshavnar býráð
 

Blekkið var ikki  meira enn gott og væl tornað á semjuni millum Javnaðarflokkin, Fólkaflokkin og Sambandsflokkin um at skipa samgongu eftir býráðsvalið í Havn í gjár, so hálsaði Fólkaflokkurin um og skipaði samgongu við Tjóðveldi og Framsókn.

Afturfyri fær Fólkaflokkurin borgarstjóran, og Annika Olsen verður nýggjur borgarstjóri í Tórshavnar kommunu á nýggjárinum.

Teir tríggir flokkarnir hava havt tíðndafund um nýggju samgonguna.

Tjóðveldi, sum fekk fýra býráðslimir á valinum í Havn i gjár, er størsti flokkur í samgonguni, og flokkurin fær formansskapin í øllum nevndum uttan vinnunevndini. Fólkaflokkurin fær formanssessin í vinnunevndini og borgarstjóran.

Gunvør Balle í Tjóðveldi, sum er nývald, verður varaborgarstjóri. Hon sigur, at veljarin hevur valt kvinnur og tjóðskaparflokkar.

Á tíðindafundinum segði Annika Olsen, at hon ætlar at gera eina langtíðar íløguætlan fyri kommununa, og ætlanin er eisini at lækka skattin millum eitt hálvt og eitt prosent í valskeiðnum.

Nýggja býráðssamgongan fer harumframt at raðfesta eldraøkið, varð upplýst á tíðindafundinum. 

 
Nýggjastu sendingar í ÚV
Týsdag 20. august
Summartímin týsdagin 20. august
97842
Týsdag 20. august
Minibarrin 20. august
97836
Týsdag 20. august
Í fótafari Paulusar - 12. partur
97829
Týsdag 20. august
VAR tað ella VAR tað ikki
97818
Nýggjastu sendingar í SV
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257