Málið enn í nevnd

Tá løgtingsfundurin byrjaði klokkan 11, varð atkvøtt um málið, men tað fall, tí 15 atkvøður vóru fyri at fáa málið úr nevndini, meðan 15 atkvøddu ímóti og ein atkvøða var blonk.

Tað vóru løgtingsmenninir, Jenis av Rana, Edmund Joensen, Jacob Vestergaard og Kári P. Højgaard, sum løgdu uppskotið fyri Løgtingið um at játta Saltsiloini 1,6 milliónir krónur, so arbeiðið kann gerast liðugt.

SÍ EISINI Viðgera aftur fíggjarliga stuðulin

Eftir fyrstu viðgerð í Løgtinginum 28. oktober, varð málið beint í Fíggjarnevndina, og har hevur málið verið síðani.

Tingskipanin sigur, at um so er, at álit ikki er lagt fram innan freistina, sum er ein mánaður, kunnu tingfólk krevja, at formaðurin setir spurningin til atkvøðugreiðslu, um tingviðgerðin skal halda fram, hóast einki álit er latið.

Tað var roynt í dag, men gav ikki úrslit: Sambært gerðarbókini hjá Fíggjarnevndini umrøddi nevndin málið tann 15. november.