Bæði borgarstjóri og tingmaður

26.01.2017 - 07:52
AktueltPolitikkur
Bæði borgarstjóri og tingmaður
Tað er mest sannlíkt, at Klaksvíkar býráð fer at samtykkja, at Jógvan Skorheim, borgarstjóri, eisini kann vera tingmaður
 

Á fundi seinnapartin fer Klaksvíkar býráð taka støðu til at loyva Jógvani Skorheim, borgarstjóra, eisini at gerast tingmaður.

Borgarstjórin hevur sjálvur sett málið á skrá. Jógvan Skorheim er formaður í Nýggjum Sjálvstýri, og hevur seinastu tvey árini verið einasti floksformaður, ið ikki hevur sitið á tingi. 

Hann kom á ting í 2011 sum varamaður fyri Kára P. Højgaard, ið gjørdist landsstýrismaður. Men táverandi býráð vildi ikki loyva Jógvani Skorheim at røkja tingsessin eftir, at hann gjørdist borgarstjóri í Klaksvík í 2012.

Heldur ikki eftir løgtingsvaldið í 2015, loyvdi býráðið Jógvani Skorheim í tingið, hóast hann tá varð valdur tingmaður fyri Nýtt Sjálvstýri.

Eftir býráðsvalið í november í fjør varð Tjóðveldislistin í Klaksvík settur uttan fyri meirilutan, millum annað tí hann árini frammanundan noktaði borgarstjóranum at fara í Løgtingið. Tí er sannlíkt, at Jógvan Skorheim eftir býráðsfundin í Klaksvík í dag verður tingmaður og borgarstjóri samstundis.

Bárður Kass Nielsen er í løtuni varamaður fyri Jógvan Skorheim á tingi.

Er kopiera
Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750