Trætan enn óloyst

Verkfallið hevur nú verið í tveir mánaðir. Og stjórnin ætlar framvegis ikki at fáa altingið at steðga verkfallinum við lóg.

Þorgerður Katrín Gunnarsdóttir, fiskimálaráðharri, sigur við íslendska kringvarpið, at hon er sinnað at kanna, hvussu tað almenna kann hjálpa við at loysa trætuna.

Frádráttur ikki í gildi aftur

Ráðharrin hevur ikki sæð krøvini hjá pørtunum, so hon veit ikki, hvør ósemjan er. Hon er tó sinnað at kanna, hvussu stjórnin kann vera við til at hjálpa fiskivinnuni.

Tað kemur tó ikki upp á tal at seta skattafrádráttin hjá fiskimonnunum í gildi aftur, sigur Þorgerður Katrín Gunnarsdóttir.   

Men politikararnir kunnu kanska hjálpa á annan hátt við almennum tiltøkum. Semingsstovnurin hevur ikki boðað fiskimonnum og reiðarum til nýggjan fund.