Ferðin á innflutninginum enn høg

Heldur tú teg síggja alsamt fleiri nýggjar bilar á føroysku vegunum, so ert tú kanska ikki heilt á skeivari kós. Í øllum førum ikki um hugt verður at nýggjastu tølunum hjá Akstovuni.

Tí føroyingar keypa framvegis nógvar nýggjar persónbilar. So mikið nógvar, at vøksturin, sum hevur verið í Føroyum teir seinastu mánaðirnar, heldur fram við sama lag.

SÍ EISINI Vøksturin heldur fram

485 nýggir persónbilar vórðu innfluttir fyrsta ársfjórðingin í ár. Í fjør vórðu 464 nýggir persónbilar fluttir inn í landið frá 1. januar til og við 31. mars vísir uppgerðin hjá Akstovuni.

Í mars vórðu 190 nýggir persónbilar innfluttir í Føroyum. Tað svarar til, at tað hvønn gerandisdag í mars mánað í ár vórðu innfluttir meira enn átta persónbilar í Føroyum.