Kongur avdúkar: Eg havi flogið ferðafólk í 21 ár

Tað er ikki heilt uttan orsøk, at ein kongakrúna er í búmerkinum hjá niðurlendska flogfelagnum, KLM - Royal Dutch Airlines.

Men at tað hevur verið ein rættur kongur, sum hevur stitið við róðrið í flogførunum hjá flogfeløgunum í fleiri ár, hava ferðafólkini tó ikki vita nakað um.

Nú er komið fram, at niðurlendski kongurin loyniliga hevur verið flogskipari hjá KLM tey síðstu 21 árini. Tað skrivar niðurlendska blaðið, De Telegraaf.

Greinin heldur fram niðanfyri

'This is your Royal Highness speaking' pic.twitter.com/koDBlHWqa8

— Royal Dutch Airlines (@KLM) May 17, 2017

Flúgvingin hevur verið eitt kærkomið ítriv, sum konginum hevur dámt væl, skrivar blaðið. 50 ára gamli kongurin hevur síðstu árini flogið umleið tveir túrar um mánaðin.

Orsøkin til, at ferðafólk ikki hava varnast, at kongurin hevur sitið í stýrihúsinum síðstu nógvu árini, er, at hurðarnar inn í stýrihúsini vórðu stongdar eftir álopini 11. september 2001.

Niðurlendski kongurin steðgar nú fyribils sum flogskipari hjá flogfelagnum, KLM. Tað hendir tí niðurlendska flogfelagið gevst at brúka flogførini, kongurin er útbúgvin at flúgva.