Nýggjur føroyskur leikur á Tjóðpallinum

Tjóðpallurin fer nú at spæla ein nýskrivaðan føroyskan sjónleik.

Kristina Sundar Hansen hevur skrivað leikin Ómegd, sum er bygdur á veruligar hendingar úr bókini "Um bara hann sló meg," eftir Súsonnu O. Skaale, ið setur harðskap í parlagnum á breddan.

Leikurin snýr seg um trý fólk, tvær kvinnur og ein mann, ið siga sína søgu um lívið í parlagnum.

Teir tríggir leikararnir eru Gunnvá Zachariasen, Kristina S. Ougaard og Hans Tórgarð. 

Frásagnirnar í leikinum byggja á veruligar hendingar, og siga frá, hvat hendir, tá parlagið fer av kós, og harðskapur tekur yvir.

Leikurin Ómegd verður spældur fyrstu ferð á Tjóðpallinum leygarkvøldið 9. september.