Fáa minni í rentu men gjalda meira fyri ómakin

Í Suðuroyar sparikassa eru tey sera væl nøgd, nú fyrra hálvár er farið afturum.

Yvirskotið fyri skatt er 1,1 millión kr., 20 prosent betri enn í fjør.

Sparikassin væntar, at góða gongdin heldur fram. 

Úrslitið fyri alt árið verður 2,4 mió. kr. fyri skatt. 

Færri rentur og hægri gjøld

Útlánini eru økt trý prosent, men innlánini eru vaksin tað dupulta í prosentum, seks prosent.

Vøksturin í útlánunum er í høvuðsheitum til sethús, og innlánini serliga til kontur uttan uppsøgn. 

Suðuroyar sparikassi hevur í fyrra hálvári lækkað innlánsrenturnar og hækkað ómaksgjøldini. 

Hetta gjørdi grundraksturin heili 136 prosent betri.