Væl minni av makreli fiskaður í Grønlandi í ár

Av teimum 60-túsund tonsum, sum kundu fiskast í ár, vórðu bara góð 37-túsund tons fiskað. Tað skrivar Sermitisiaq. 

23. august góvust seinastu skipini at fiska makrel millum Tasiilaq og Ísland. Tey fiskaðu tilsamans 37.227 tons av makreli, og sostatt varð ikki so nógv fiskað, sum væntað.

Grønlendsk skip fiskaðu 19.439 tons og útlendsk skip 17.788 tons.

Sostatt komu góðar 25,6 miljónir krónur í grønlendska landskassan, og ikki 40-miljónir, sum landsstýrið hevði væntað, skrivar SErmitsiaq.